Муаммолар гирдобида қолган Жервонта Дэвис 26 май суд қилинади

Апрель ойида Райан Гарсияга қарши муваффақиятли жангдан сўнг Дэвис ўз мураббийи Кэлвин Форднинг Балтимордаги уйида уй қамоғида ўтирди ва Балтиморда жамоат хизматида бўлди.

Автофалокат 2020 йил 5 ноябрда Балтиморда содир бўлган. Полиция ҳисоботига кўра, Дэвис машина бошқараётганида қоидаларни бузган ва тўрт киши (улар орасида ҳомиладор аёл ҳам бўлган) кетаётган машина билан тўқнашган. Дэвис воқеа жойидан қочиб кетган, аммо тезда шахси аниқланган.

Кейинроқ боксчи уч нафар жабрланувчига етказилган зарарни қоплаш масаласини судгача ҳал қилди ва айбловчи томон билан келишувга эришди. Дэвисга жазо сифатида бир йил синов ва икки ойлик уй қамоғи белгиланди. Бироқ, тўртинчи жабрланувчи Жайр Смит ишни суд ҳайъатигача олиб борди.

Февраль ойида Дэвис суд ҳайъати олдида ўз айбини тан олди: фалокат жойини жароҳатланганлар билан тарк этиш; мулкка етказилган зарар ҳақида хабар бермаслик; транспорт воситасини бошқариш ҳуқуқига эга бўлмаган ҳайдовчининг автомашинасини бошқариши ва светофордан ўтганлиги учун. 

Боксчининг қонун билан боғлиқ муаммолари шу билан тугамади. 26 май куни у ва вояга етмаган қизининг онаси ўртасида декабрь ойида Флоридада содир бўлган воқеа бўйича навбатдаги суд мажлиси бўлиб ўтади.