01 окт 14:54
Янгиликлар

Муай-тай WМF: Тошкент Ўзбекистон кубоги баҳсларига мезбонлик қилади

Теглар : Муайтай

Бугунги кунда ёшларимиз нуфузли мусобақаларда юксак натижалар қайд этиб, шоҳсупаларга кўтарилишмоқда, Ўзбекистон спорти тарихида янгидан янги саҳифалар очмоқда.

Бунга Олимпия ва миллий спорт турларимиз билан бир қаторда шарқона яккакураш турларини ҳам мисол келтириш мумкин. Муай-тайнинг WМF йўналиши ҳам ана шундай спорт турларидан.

Ёш авлодни ҳар жиҳатдан соғлом ва баркамол бўлиб улғайиши, чекка ҳудудлардан иқтидорли ёшларни саралаш (селекция) ва терма жамоаларга жалб қилиш мақсадида жорий йил 12-16-октябрь кунлари Тошкент шаҳрида жойлашган “Универсал” спорт саройида муай-тай WМФ бўйича ўсмирлар, ёшлар ва катталар ўртасида Ўзбекистон кубоги мусобақаси ўтказилади.

Унда республикамиз бўйлаб 7 ёшдан 35 ёшгача бўлган жами 1000 нафарга яқин спортчи иштирок этиши кутилмоқда. Мусобақада энг кичик ёшдаги иштирокчилар 2014-2015-йилда туғилган болалар бўлишса, энг катта ёшли иштирокчилар 35 ёшгача бўлишади.

Шубҳасиз, бу каби мусобақаларнинг ўтказилиши ёшларга катта имконият эшикларини очади.