Халқаро Муайтай уюшмалари федерацияси (IFMA) вице-президенти Ўзбекистонга келди

Спорт вазири ўринбосари, Ўзбекистон муайтай федерацияси раиси Авазжон Каримов Халқаро Муайтай уюшмалари федерацияси (IFMA) вице-президенти, Европа муайтай федерацияси президенти, Туркия муайтай федерацияси президенти жаноб Ҳасан Йилдиз билан учрашув ўтказди. 

️Учрашув давомида сўнгги йилларда мазкур спорт турининг юртимизда кенг ривожланиб бораётганлиги ва спортчиларимизнинг мусобақаларда муносиб иштирок этишлари учун юртимизда етарли шарт-шароит яратилганлиги эътироф этилди. 

Бундан ташқари, ҳамкорликда ўқув машғулотлари ташкил этиш, юртимизга Туркиядан малакали ҳакамларни жалб этиш, шунингдек, Туркий давлатлар ўртасида ўтказиладиган жаҳон чемпионатини юртимизда ўтказилиши бўйича таклифлар муҳокама қилинди.