Муайтайчиларимиз биринчи ўринни эгаллади

Ўзбекистон Республикаси Жисмоний тарбия ва спорт давлат қўмитаси ва мамлакатимиз муайтай (WМF) ассоциацияси томонидан ўтказилган турнирда спортчиларимиздан ташқари, Қозоғистон, Қирғизистон, Тожикистон ва Афғонистондан келган спортчилар ғолиблик учун куч синашди.

Тўрт юзга яқин муайтайчи ўртасида ўтган нуфузли турнирда Ўзбекистон терма жамоаси аъзолари 44 олтин, 43 кумуш ва 70 бронза медални қўлга киритиб, умумжамоа ҳисобида биринчи ўринни эгаллади. Шунингдек, Тожикистон терма жамоаси 4 олтин, 3 кумуш ва 8 бронза билан иккинчи ўринни эгаллаган бўлса, афғонистонлик спортчилар 2 олтин, 4 кумуш ва 7 бронза билан шоҳсупанинг учинчи поғонасидан жой эгаллади.

– Бундай мусобақаларнинг мамлакатимизда мунтазам ўтказилиши ёш муайтайчиларимизнинг тажрибасини янада оширмоқда, – дейди Ўзбекистон муайтай ассоциацияси раиси ўринбосари Илҳом Соқиев. – Мусобақадан кўзланган мақсад спортчиларимизнинг тажрибасини янада ошириш ва уларни келгусида ўтадиган нуфузли турнирларга пухта тайёрлашдир.