Муддатидан аввал Ўзбекистон чемпиони бўлган Тоҳиржоновадан мағлубиятсиз серия

Айлана тарзда ўтказилган хотин-қиз шахматчилар мусобақасида икки халқаро гроссмейстер - Гулруҳбегим Тоҳиржонова (2349, чемпионатнинг биринчи рақамли иштирокчиси) ва Сарвиноз Қурбонбоева (2219) ғолиблик учун асосий даъвогар сифатида эътироф этилганди.

Лекин чемпион номи чемпионат якунланишига бир тур қолганида аниқланди. Катта устунликка эга бўлган Тоҳиржонова нафақат Ўзбекистон чемпионлигига эришди, балки чемпионатни мағлубиятсиз ҳам якунлади. У сўнгги турда оқ доналарда ҳаракат қилиб, Нилуфар Ёқуббоевани мағлуб этди. 

Шу тариқа, Гулруҳбегим 9та учрашувдан 8тасида ғалабага эришди. Фақат Ирина Геворгян билан дуранг қайд этди. Учинчи ўринга тушиб қолган Сарвиноз Қурбонбоева ўтган йилги чемпион Нодира Нодижоновадан устун келди. Бу эса Сарвинознинг 6,5 очко билан иккинчи ўринни эгаллашини таъминлади. Олти очкога эга Нодиржонова бронза медали билан чекланди.