Мугуруса Шарипова қатнашган турнирнинг 1/4 финалига чиқди

Дунёнинг 13-ракеткаси Гарбин Мугуруса иккинчи давра учрашувида рейтингнинг 78-поғонасидан жой олган руминиялик Ана Богданга қарши кортга чиқди. Бир соату 15 дақиқа давом этган баҳсда испаниялик теннисчи 6/2, 6/1 ҳисобида ғалаба қозонди.

Энди Мугуруса чорак финал учрашувида таиландлик Луксика Кумхумга қарши баҳс олиб боради. Ушбу турнирда Сабина Шарипованинг ҳам иштирок этганлигини эслатиб ўтиш жоиз. Саралаш мусобақасида икки ғалабага эришган ҳамюртимиз асосий тўрнинг илк даврасида турнирнинг иккинчи ракеткаси хитойлик Шуай Чжанга 3:6, 6:7 ҳисобида ютқазиб қўйганди.