24 ноя 11:52
Янгиликлар

Дзюдо

Муҳаммадкарим Ҳуррамов бронза учун татамига чиқади

“Катта Дубулға” туркумига кирувчи Осака турнирининг кундузги дастури ўз якуни сари яқинлашмоқда.

Ҳозиргина -100 кг вазн тоифасида мамлакатимиз шарафини ҳимоя қилаётган Муҳаммадкарим Ҳуррамов ярим финал беллашувини якунлади ва афсуски, бу баҳсда 2015 йилги жаҳон чемпиони, Гран-при ва “Катта Дубулға” туркумига кирувчи турнирлар ғолиби, япониялик Рюносуке Ҳагага имкониятни бой бериб қўйди.

Энди Ҳуррамов кечки дастурда бронза медали учун беллашади. Унинг рақиби эса япониялик Ида Кентаро бўлади. Кунчиқар юрт дзюдочиси ўтиш баҳсида россиялик Мераб Магриевдан устун келди.