Муроджон Аҳмадалиев ҳимоя жангидан сўнг чемпионлик камарларини бирлаштирувчи баҳсда рингга кўтарилмоқчи

Бу ҳақида BoxingScene нашри хабар қилди. Olamsport.com сайти ушбу хабарнинг ўзбекча вариантини эътиборингизга ҳавола қилади.

Филаделфиялик Стефан Фултон ўтган ой енгилмас Ангело Леони (20-1, 9 КО) мағлуб қилиб, ушбу вазнда WBO камарини қўлга киритди ва рақибининг мағлубиясиз сериясига нуқта қўйган эди. 

Луис Нери эса сентябр ойида WBC камарини ўзиники қилган эди. 

Муроджон Аҳмадалиев эса ҳозир дивизионда қирол. У ўтган йили Майами шаҳридаги 12 раундлик жангда Денни Романни мағлуб этиб, икки камар соҳибига айланганди. 

"Ўтган йили январ ойида WBA ва IBF камарлари учун Денни Романни мағлуб қилганимдан сўнг, мен дивизиондаги бошқа жангчилар билан учрашишни жуда хоҳлаяпман", - дейди Муроджон Аҳмадалиев. 

Коронавирус сабабли Муроджон ҳимоя жангларини ўтказа олмади. 26 ёшли Аҳмадалиев кейинги жангини мажбурий камар ҳимояси учун япониялик Рёсукэ Ивасага қарши 13 март куни ўтказиши ҳақида маълумотлар тарқалганди. Аммо, ҳали расмий қарор эълон қилингани йўқ.

Муроджоннинг ўзи қуйидаги фикрларни қўшимча қилди:

"Мажбурий ҳимоя жангидан сўнг, Фултон ва Нери билан бирлаштирувчи жанг ўтказишни интизорлик билан кутяпман".