Муроджон Аҳмадалиев - Марлон Тапалес жангининг ташкилий ҳуқуқи учун промоутерлик савдоси кечиктирилди

Биринчи ярим енгил вазн тоифасида WBА ва IBF йўналишлари чемпиони Муроджон Аҳмадалиев IBF камарини мажбурий даъвогар Марлон Тапалесдан ҳимоя қилиши керак. 

Ташкилот 18 январь куни ушбу жангни ташкил қилиш ҳуқуқини сотиб олиш учун очиқ промоутерлик савдоси ўтказиши белгиланган эди. Бироқ ташкилот томонларнинг таклифига кўра, музокараларни давом эттириш ҳамда келишувга эришишлари учун яна бир ҳафта муддат қўшиб берди.