Муроджон Аҳмадалиев навбатдаги жанги қачон бўлишини айтди

Olamsport.com сайти мухбири боксчимизни суҳбатга тортиб, бир нечта саволларга жавоб олди. 

"Қўлимдан олган жароҳатим ҳозир анча яхши. Худо хоҳласа, аста-секин машғулотларни бошлаб, кейинги жангга тайёргарликни бошлайман. Америкага декабрь ойининг ўртаси ёки охирида кетиш ниятим бор. Навбатдаги жангимнинг аниқ санасини ҳозир айта олмайман. Лекин, жанг баҳорда бўлиб ўтади. 

"Lift Promotion" иккинчи марта "Хумо Арена"да жуда катта бокс оқшомини ўтказяпти. Кечада шоуга бой қизиқарли жанглар бўлиб ўтяпти",-деди Аҳмадалиев. 

Шунингдек, боксчимиз сайтимизга катта интервъю беришини ҳам айтиб ўтди. Муроджон Аҳмадалиевни тез орада Olamsport.com студиясида кутиб қоламиз.