Муроджон Аҳмадалиев: "Ўз вазнимдаги энг кучлилар билан жанг қилишга тайёрман"

Шунингдек, Муроджон бўлажак рақиби бўлиши кутилаётган япониялик Наоя Иноуэга ҳам мурожаат қилди.

"Сен эндигина "Йилнинг энг яхши боксчиси" унвонини қўлга киритдинг. Вазн тоифасидан қатъий назар сен дунёнинг энг яхши боксчиларидан бири ҳисобланасан. Шу ҳолатда сен бу чақирувдан қочяпсанми? Бу абсурд.

Жамоам мени барчасидан хабардор қилиб туради. Агар Иноуэ чемпионликдан воз кечса, бошқаси билан жанг қиламан. Бу борада мен учун ҳеч қандай янгилик йўқ. Лекин номим чиқмаган десам... Мен тарихдаги барчадан тезроқ икки йўналишда Жаҳон чемпиони бўлдим (саккизинчи жангда). Етакчи телеканалларда жанг қилдим. Мен формадаман ва ҳар қандай рақибга қарши курашишга тайёрман. Устуворликларимга келсак, улар оддий – барча унвонларни қўлга киритиш ва энг кучли рақиблар билан тўқнаш келиш. Келажакда нима бўлишини ҳеч ким билмайди. Мен ҳар қандай жангга очиқман. Ўз вазнимдаги энг кучлилар билан жанг қилишга тайёрман", деди Аҳмадалиев.

Аввалроқ, WBA ташкилоти чемпион Наоя Иноуэ ҳамда мажбурий даъвогар Муроджон Аҳмадалиев жангига расман буйруқ берган эди.