Муроджон Аҳмадалиев собиқ жаҳон чемпионига қарши жанг ўтказиши мумкин

У Ник Болл! Хорижий манбалар тарқатган маълумотларга кўра, томонлар ўртасида эҳтимолий жанг юзасидан музокаралар олиб борилмоқда. Matchroom Boxing промоутерлик компанияси раҳбари Эдди Ҳирн ҳам бу борада дастлабки мулоқотлар бўлиб ўтганини маълум қилган.

Ҳозирча жанг расман тасдиқлангани йўқ. Шу боис жангнинг санаси, манзили ва бошқа тафсилотлар маълум эмас.

Маълумот учун, Муроджон Аҳмадалиев профессионал фаолияти давомида 15 та ғалаба ва 2 та мағлубият қайд этган. У иккинчи энг енгил вазнда собиқ жаҳон чемпиони ҳисобланади. 

29 яшар Ник Болл ҳисобида эса 23 ғалаба, 1 мағлубият ва 1 та дуранг бор. У сўнгги жангида Брэндон Фигероага мағлуб бўлиб, WBA камаридан айрилганди.