Муроджон Аҳмадалиев ва Исроил Мадримов тайёргарликни якунлашди

Иккинчи энг енгил вазнда WBА ва IBF йўналишлари бўйича жаҳон чемпиони Муроджон Аҳмадалиев (11-0, 8 КО) 9 апрель куни тонгда Сан-Антонио (АҚШ)да IBF йўналиши бўйича мажбурий рақиб филиппинлик Марлон Тапалесга (36-3, 19 КО) қарши бўлиб ўтадиган жангига тайёргарликни якунлади.

Шу куни яна бир боксчимиз — суперярим ўрта вазн тоифасидаги Исроил Мадримов америкалик Рафаэль Игбоквега қарши рингга кўтарилади. Боксчиларимиз ушбу жангга тайёргарликни Индиода олиб олиб боришди ва энди бор эътибор вазн ташлашга қаратилади.

"Алҳамдулиллаҳ, бўлажак жангга тайёргарликни якунладик. Барчани 8 апрель куни Сан-Антониодаги бокс оқшомида кутамиз. Сизнинг қўллаб-қувватлашингиз ва ғалабамизга бўлган ишончингиз биз учун доимо олдинга интилишимизга янада куч бағишлайди. Биз учун дуода бўлган барчага катта раҳмат. Ин Ша Аллоҳ, ғалаба биз тарафда бўлади", - деб ёзиб қолдирган "Кака" Аҳмадалиев чемпионлик жанги олдидан.

Маълумот учун, боксчиларимиз иштирокидаги жанг кечаси Тошкент вақти билан 9 апрель куни 05:00 да бошланади.