Муроджон Аҳмадалиевнинг жанги бўйича гонорар тақсимоти маълум, промоутерлик савдоси муддатидан олдин ўтказилади

Ташкилот томонларга келишувга эришиш учун 2 февралга қадар муҳлат берганди. Бироқ, Тапалеснинг жамоаси ушбу аукционни муддатидан олдин ўтказиш таклифи билан чиқди. 

Ўз навбатида IBF буни қаноатлантирди ва аукцион 18 январь куни ўтказилишини эълон қилди. 

IBF қоидаларига кўра, ғолиб бўлишни истаган томон камида 25 минг доллар пул таклиф қилиши лозим. Савдолар шартига кўра, Аҳмадалиевнинг жамоаси гонорарнинг 65 фоизини олади. Тапалес эса 35 фоизга эга бўлади. 

Аҳмадалиевнинг аввалги жангини "Matchroom Boxing" компанияси 525 555 АҚШ доллари эвазига сотиб олганди. 

Эслатиб ўтамиз, Аҳмадалиев Даниель Романни мағлуб этиб, IBF ва WBA камарларини қўлга киритганди. Шундан сўнг у 2021 йилнинг апрель ойида Рёсуке Ивасани, ноябрда эса Хосе Веласкесни мағлубиятга учратиб, камарларини ҳимоя қилди.