25 мар 13:02
Янгиликлар

Қишки спорт турлари

Мустақил Ўзбекистоннинг илк Олимпиада чемпиони Лина Черязова вафот этганига 1 йил тўлди

Бундан 1 йил олдин қишки олимпия ўйинларида ўзбекистонлик ягона чемпион, спортимиз афсонаси Лина Черязова бу ёруғ оламни тарк этганди.

У 2019 йили Россиянинг Новосибирск шаҳрида ўзининг 51 ёшида оламдан ўтганди.

Черязова 1994 йили Лиллихаммерда ўтказилган Олимпиаданинг фристайл баҳсларида чемпионлик шохсупасига кўтарилган эди. Лина қўлга киритган олтин медал ўзбек спортида ҳозиргача ягоналигича қолмоқда.

Бундан ташқари, Лина Черязова 1993 йили жаҳон чемпиони ҳам бўлган. 1990 ва 1991 йилларда собиқ СССР чемпионига айланган. У уч йилдан бери буйрак касалидан азият чекиб келаётганди. Лина 1999 йилда онаси туғилган Новосибирск шаҳрига кўчиб ўтганди.

Лина Черязова Ўзбекистон Республикасида хизмат кўрсатган спортчи, "Ўзбекистон ифтихори" фахрий унвони билан тақдирланган эди.

Черязованинг хотираси қалбимизда абадий қолади.