Мухторхон Ташходжаев Осиё Паралимпия Қўмитаси вице-президенти!

Унда Қўмитага аъзо 44 давлат вакиллари иштирок этяпти. Ассамблея давомида 2019 йил Дубайдаги Бош Ассамблея протоколини қабул қилиш, унинг вазифаларни кўриб чиқиш, аъзоликка қабул қилиш ва чиқиш масалаларини кўриш, икки йилик ҳисобот, стратегик режа, 2018-2020 йиллардаги молиявий аудиторлик ҳисоботлар текшируви, 2021 йил ҳисоботи, 2022 йилги бюджет, аъзолик бадал пуллари, Низомга ўзгариш ва қўшимчалар киритиш каби масалалар муҳокама қилиняпти. Ассамблея эртага ҳам ўз ишини давом эттиради.

Биз учун аҳамиятлиси, Ўзбекистон Миллий Паралимпия қўмитаси раиси Мухторхон Ташходжаев Ассамблея доирасида Осиё Паралимпия Қўмитаси вице-президенти лавозимига сайланди.  

Сир эмас, Ўзбекистон ва Халқаро Паралимпия қўмиталари ўртасида кенг қамровдаги ҳамкорлик йўлга қўйилган. Шу йил сентябрь ойида Халқаро Паралимпия қўмитаси президенти Эндрю Парсонс айнан Мухторхон Ташходжаев таклифига биноан юртимизга ташриф буюрганди.