26 апр 04:44
Янгиликлар

Қишки спорт турлари

Муз маликаси Алина Загитова Тошкентда + ФОТО

Фигурали учиш бўйича жаҳон ва Олимпиада чемпиони Алина Загитова ўзининг Инстаграм саҳифасига Тошкентдан суратлар жойлади.

"Ёмғирли Москвадан ёзга тушиб қолиш нақадар ажойиб", - дея суратлар остида изоҳ қолдирган Загитова.

Аввал хабар берганимиздек, кеча пойтахтимиздаги "Ҳумо Арена"да Этери Тутберидзе бошчилигидаги фигурали учувчилар жамоасининг "Чемпионлар муз устида" номли шоуси ташкил этилди.

Ушбу шоу доирасида Олимпия ўйинлари, жаҳон ва Европа чемпиони Алина Загитова, Олимпия ўйинларининг икки карра кумуш медали соҳибаси, икки карра жаҳон чемпиони Евгения Медведева, жаҳон чемпиони Анна Шербакова музда ўз чиқишларини намойиш этишди.