11 июн 13:47
Янгиликлар

Дзюдо

Музаффарбек жаҳон чемпионатидаги иштирокини ғалаба билан бошлади

Бироз аввал Венгрия пойтахти Будапешт шаҳрида ўтказилаётган катталар ўртасидаги жаҳон чемпионатининг олтинчи куни старт олди.

Илк бор жаҳон чемпионатида иштирок этаётган Музаффарбек Тўрабоев -100 кг вазн тоифасидаги юришини ғалаба билан бошлади. Сурхон ўғлони биринчи даврада даниялик Матиас Мадсенни мағлубиятга учратди. Унинг иккинчи босқичдаги рақиби португалиялик Хорхе Фонсека бўлади.

-78 кг вазн тоифасида юртимиз шарафини ҳимоя қилган Ирисхон Қурбонбоева эса илк даврадаёқ россиялик Антонина Шмелевага қарши татамига чиқди ва имкониятни бой бериб қўйди. Бироздан кейин Муҳаммадкарим Ҳуррамов иккинчи даврада бельгиялик Тома Никифоровга қарши баҳс олиб боради.