Музаффарбек Тўрабоев 2024 йилги сўнгги IJF мусобақасига жўнаб кетди

Йилнинг сўнгги IJF мусобақасида қатнашиш истагини сайёрамизнинг 5 қитъаси 46 давлатидан жами 283 (156 эркак, 127 аёл) нафар дзюдочи билдирган. Энг катта таркиб шубҳасиз мезбонларда. Япония терма жамоаси шарафини 56 нафар (ҳар бир вазнда 4 нафардан) дзюдочи ҳимоя қилади.

Ушбу мусобақада Париж-2024 Олимпиадаси совриндори Музаффарбек Тўрабоев ҳам иштирок этади. Ҳамюртимиз ўзи учун янги +100 кг вазн тоифасида имкониятини синаб кўради. Тўрабоев мураббийи Улуғбек Азизов ҳамроҳлигида Кунчиқар мамлакатга жўнаб кетди. Музаффарбек мусобақадан кейин ташкил этиладиган халқаро ўқув-машғулот йиғинида ҳам қатнашади.