22 апр 08:09
Янгиликлар

Дзюдо

Музаффарбек Тўрабоев япониялик асосий рақибини енгди, қолганлар ҳам Осиё чемпионатини ғалаба билан бошлашди

Гонконг давлати мезбонлик қилаётган дзюдо бўйича катталар ўртасидаги Осиё чемпионатининг учинчи кунги баҳслари старт олди.

Бугун оғир вазн тоифасида ташкил этилаётган беллашувларда терма жамоамизнинг уч нафар дзюдочиси юртимиз шарафини ҳимоя қиляпти. Қувонарлиси, уларнинг бари саралашнинг илк учрашувида ғалабага эришишди.

-100 кг вазн тоифасида жаҳон чемпиони Музаффарбек Тўрабоев илк даврадаёқ номдор рақиб билан тўқнаш келди. Япониялик Косуке Машиямага қарши кечган муросасиз баҳсда Тўрабоев шидо огоҳлантиришлари эвазига ғалаба қозонди.

-78 кг вазндаги дзюдочимиз Ирисхон Қурбонбоева филиппинлик Рёка Салинасдан, +78 кг вазндаги вакиламиз Рината Илматова эса қозоғистонлик Акерке Рамазановадан устун келди.