20 апр 10:31
Янгиликлар

Теннис

Мюнхен (ATP 500). Бен Шелтон бош соврин соҳиби!

Дунёнинг олтинчи ракеткаси Бен Шелтон Германиянинг Мюнхен шаҳрида якунига етган ATP 500 тоифасига кирувчи турнир чемпиони бўлди.

Америкалик теннисчи ҳал қилувчи финал учрашувида ATP рейтингида 16-ўринни эгаллаб турган италиялик Флавио Коболлини 6/2, 7/5 ҳисобида мағлубиятга учратди. Теннисчиларнинг ўзаро учрашувларида Бен олдинда бормоқда - 4:2.

Тўқсон бир дақиқа давом этган баҳсда Шелтон 4, Коболли 2 та эйс зарбасини амалга оширди. Иккала теннисчи ҳам бир хилда 3 тадан қўшхатога йўл қўйишди. Брейклар бўйича мутлақ устунлик ғолиб теннисчи томонида бўлди - 3 га 0.

Шелтон Германиядаги бир ҳафталик меҳнатидан 500 рейтинг очкоси ҳамда 478 935 евро мукофот пули ишлаб олди. Бу унинг фаолиятидаги бешинчи ATP чемпионлик титули бўлди. Коболли эса 330 очко ҳамда 257 705 € мукофот пулига эга чиқди.