Надаль: Мени майсали кортларда ўйнай олмайди деб ўйлашганди

"Ўйин услубим сабабли, кўпчилик мен намойиш этадиган теннис майсали кортларга тўғри келмайди деб ҳисобларди. Бироқ, мен ва жамоадошларим бундай қопламада ҳам муваффақият қозона олишим мумкинлигини кўрдик. 

Якунда, мен ҳар қандай қопламада яхши ҳаракат қила олишимни тушундим. Мен ўсмирлар ўртасидаги Уимблдон ярим финалигача бордим, Турдаги дебютда эса учинчи босқичга етиб бордим", - деди Надаль.

Маълумот учун, Надаль фаолияти давомида икки маротаба чимли кортларда ўтказиладиган Уимблдон турнири ғолиби бўлган.