03 сен 11:41
Янгиликлар

Теннис

Надалнинг юриши давом этади, навбатдаги "қурбон" - Чилич!

Нью-Йорк шаҳрида ўтказилаётган "Катта Дубулға" туркумига кирувчи АҚШ Очиқ чемпионати ўзининг қизғин палласига кирди.

Сайёрамизнинг иккинчи ракеткаси Рафаэль Надаль мусобақанинг тўртинчи даврасида ғалабага эришди. Испаниялик теннисчи ATP рейтингида 23-поғонадан жой олган хорватиялик Марин Чиличга қарши баҳс олиб борди.

Надаль 2 соату 49 дақиқа давом этган учрашув якунида рақибини 6/3, 3/6, 6/1, 6/2 ҳисобида таслим этди. Энди 33 ёшли Рафа US Open турнирининг чорак финалида аргентиналик Диего Шварцманга қарши кортга чиқади.