Наманганда “Адолат кубоги” ғолиблари аниқланди

Ўзбекистон “Адолат” СПД Наманган вилоят Кенгаши, вилоят белбоғли кураш федерацияси ҳада Тўрақўрғон болалар-ўсмирлар спорт мактаби билан ҳамкорликда ташкил этилган ушбу беллашувда полвонлар регламентга кўра олтита вазн тоифасида куч синашишди. 

Қизиқарли ва муросасиз ўтган беллашувларнинг якуний натижаларига кўра, Жаҳонгир Ҳайитов, Беҳзод Раҳматуллаев, Зиёдулла Турсунбоев (барчаси Тўрақўрғон тумани), Абдулаҳад Носиров (Уйчи т.), Жамшид Ортиқалиев (Наманган  ш.), Шоҳруҳ Раҳимов (Поп т.)лар ўз вазн тоифаларида ғолиб бўлишиб, финал босқичига йўлланмани нақд қилишди. 

Ғолиб ва совриндор спортчилар мусобақа ташкилотчилари томонидан диплом, медаль ва эсдалик совғалари билан мукофотланишди.

Илҳом РАҲМОНОВ тайёрлади