Наманганда оммавий югуриш марафони ташкил этилди + ФОТО

Ўзбекистон Республикаси Президентининг 2020 йил 24 январдаги “Ўзбекистон Республикасида жисмоний тарбия ва спортни янада такомиллаштириш ва оммалаштириш чора-тадбирлари тўғрисида"ги Фармонига мувофиқ, маҳаллий аҳоли, спортчилар, талабалар, ҳуқуқни муҳофаза қилувчи идора ходимларини жалб этган ҳолда оммавий югуриш тадбирларини ўтказиш белгиланган.

Ушбу топшириқ ижросини таъминлаш мақсадида Наманган шаҳрида маҳаллий аҳоли, спортчилар, талабалар, ҳуқуқни муҳофаза қилувчи идора ходимларидан иборат югуриш мусобақасида 3000 нафарга яқин ҳаваскор спортчи иштирок этган бўлса, оммавий юриш тадбирида 6 000 нафардан зиёд вилоятнинг спортсевар халқ вакиллари қатнашди.

Тадбирда Наманган вилояти ҳокими Шавкатжон Абдураззақов ҳам иштирок этиб, ғолиблар ҳамда фаол иштирокчиларга вилоят ҳокимлигининг 20 дона қимматбаҳо (совутгич, телевизор, чангютгич, микротўлқинли печь) совғаларини топширди.

Бу каби тадбирлар аҳоли орасида соғлом турмуш тарзини кенг тарғиб этиш ҳамда юртдошларимизнинг саломатлигини мустаҳкамлашга хизмат қилади.