Наманганда «Спортчи ёшлар форуми» оммавий спорт тадбири ўтказилди

Ўзбекистон Республикаси Президентининг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги фармонида белгилаб берилган вазифалар ижросини таъминлаш, аҳолининг барча қатламларини жисмоний тарбия ва оммавий спортга кенг жалб этиш мақсадида «Спорт билан янги марралар сари!» шиори остида «Спортчи ёшлар форуми» оммавий спорт тадбирлари ташкил этилди.

Мазкур спорт тадбирларида каратэ, таэквондо, кураш, ўзбек жанг санъати, шахмат, шашка, стол тенниси, армрестлинг, тош кўтариш, енгил атлетика, футбол, бадминтон спорт турлари бўйича кўргазмали чиқишлар ва маҳорат сабоқлари ўтказилди ҳамда мусиқали бадантарбия «Флешмоб» оммавий тадбири ҳам ташкил этилди.

Энг асосийси, «Афсоналар водийси» боғига ташриф буюрган аҳоли ўртасида шахмат, шашка, армрестлинг, стол тенниси, тош кўтариш бўйича мусобақалар ташкил этилди. Мазкур мусобақалар Германия давлатидан олиб келинган стол тенниси станок столи «Афсоналар водийси» боғига ташриф буюрган меҳмонларда катта қизиқиш уйғотди. Мусобақада ғолибликни қўлга киритганлар эсдалик совғалари тақдим этилди.