08 янв 11:23
Янгиликлар
Бокс/ММА
Наоя Иноуэ мутлақ чемпионлик унвонини йўқотади, Аҳмадалиев автоматик равишда тўлақонли чемпионга айланиши мумкин
Япониялик боксчи, иккинчи ўта енгил вазн тоифасида мутлақ жаҳон чемпиони Наоя Иноуэ WBA камаридан маҳрум бўлиши кутилмоқда.
Ҳамюртимиз Муроджон Аҳмадалиевнинг промоутери Эдди Хирннинг айтишича, Иноуэ мексикалик Алан Пикассо билан жанг қилишга рози бўлган. Шу сабабли, у WBA камаридан маҳрум бўлади. Вақтинчалик чемпион Муроджон Аҳмадалиев эса тўлақонли чемпион деб эълон қилинади.
Лекин, бу Иноуэ - Аҳмадалиев жанги ўтказилмайди дегани эмас. Хирн улар ўртасидаги жангни 2025 йил охирида ташкил этишга уриниб кўрмоқчи.
Эслатиб ўтамиз, Наоя Иноуэ 24 январь куни IBF йўналиши бўйича даъвогар Сэм Гудманга қарши жанг ўтказади.
Ҳавола :
Манба : The Stomping Ground
Фикрлар