Наоя Иноуэнинг навбатдаги жанги бўйича музокара бошланди

Япониялик "монстр"нинг жамоаси биринчи енгил вазн (52,2 кг) тоифасида WBC, WBA ва WBO йўналишлари чемпиони Жесси Родригес билан жанг бўйича дастлабки музокараларни олиб борди.

Промоутер Эдди Хирннинг айтишича, гап зудлик билан учрашув ҳақида кетмаяпти, чунки ҳозирда боксчиларни иккита вазн тоифаси ажратиб туради ва уларнинг ҳар бирида жанглар режалаштирилган: Иноуэ май ойи бошида Дзюнто Накатанига қарши жангда чемпионлик унвонини ҳимоя қилади, Родригес эса июнь ойида энг енгил вазн тоифасига кўтарилиб, WBA чемпиони Антонио Варгас билан учрашиши керак.

"Менимча, бу жанг муқаррар, - деди Хирн. - У Варгас билан жангдан сўнг дарҳол бўлиб ўтади деб ўйламайман, лекин бу кейинги икки-учта жангда содир бўлиши мумкин. Бу, эҳтимол, боксдаги энг муҳим жанглардан биридир. Бу фикр Родригесга ҳам ёқади.

Хирннинг сўзларига кўра, ушбу жангни ташкил этишда Саудия Арабистони Кўнгилочар ишлар бош бошқармаси раиси Турки Ал аш-Шайх ҳам иштирок этади.