“Наполи” Гаттузо билан шартномани узайтирмоқчи

Италиялик журналист Жанлука Ди Мариционинг хабар беришича, учрашув жуда яхши атмосферада кечган.  Унда “Наполи”нинг кейинги ўйинлари муҳокама қилинган. Ундан ташқари жамоа президенти ва мураббийи бир қатор футболчилар билан амалдаги шартномасини узайтириш борасида фикр алмашишган.

Жамоа президенти шунингдек, Гаттузони қўллаб-қувватлашини маълум қилган. Мураббийнинг амалдаги шартномаси жорий йилнинг июнида якунига етади. Агар “Наполи” кейинги мавсум учун ЕЧЛ йўлланмасини қўлга киритса, шартнома автоматик равишда яна бир йилга узайтирлиши ҳақида банд бор. 

Учрашув давомида томонлар ўзаро ҳамжиҳатликда ишлашдан мамнун эканликларини изҳор этишган. Кейинроқ мураббийнинг амалдаги шартномасини узайтириш борасида яна бир учрашув ўтказилиши кутилмоқда. “Наполи” айни пайтда Италия А сериясида 26 турдан кейин 39 очко тўплаб, 6-поғонада бормоқда.