“Наполи” қаторасига учинчи ғалабасини нишонлади

“Сан Паоло” стадионида кечган беллашувда Костас Манолас ва Жованни Ди Лоренцонинг голлари майдон эгаларига ғалабани туҳфа этди. Меҳмонлар сафида Симоне Эдера ягона жавоб голига муаллифлик қилди.

Шу тариқа “Наполи” А Серияда қаторасига учинчи ғалабасига эришди. Айни пайтда Гаттузо шоигрдлари 39 очко тўплаб турнир жадвалининг олтинчи поғонасини эгаллаб туришибди. “Торино” эса 27 очко билан 15-ўринда бормоқда. “Наполи” навбатдаги турни сафарда “Верона”га (8 март) қарши ўтказади.