Навбат - Kazan Grand Slam турнирига + АРЕНАДАН ФОТО

Жаҳон чемпионати олдидан ўтказиладиган сўнгги IJF турнирида сайёрамизнинг 5 қитъаси 83 давлатидан жами 420 (252 эркак, 168 аёл) нафар дзюдочи иштирок этади. Қозон татамиларида 15 нафар дзюдочимиз юртимиз шарафини ҳимоя қилади. Мураббийлар штаби бу сафар асосан ёшларга урғу қаратган. 

Айни пайтда мусобақа ўтказилувчи "Татнефть Арена"да татамиларни тўшаш жараёни давом этмоқда. Беллашувлар 3 та татамида ташкил этилади. Дзюдочилар уч кун давомида жами 14 та медаллар жамланмаси учун баҳс олиб боришади. Ғолиблар 1000, кумуш медаль эгалари 700, бронза медаль соҳиблари 500 рейтинг очкосига эга бўлади. 

Қозон "Катта Дубулға" мусобақасига мезбонлик қилган Россиянинг тўртинчи шаҳрига айланади. Қозонга қадар Москва, Тюмень ва Екатеринбург шаҳарларида "Катта Дубулға" турнири ўтказилган эди.