29 янв 13:41
Янгиликлар

Болалар спорти

Навоийда старт олган “Универсиада” спорт ўйинлари Гулистонда давом этмоқда

Хабарингиз бор, Олий таълим муассасалари талабалари ўртасида бўлиб ўтувчи “Универсиада” спорт ўйинлари жорий йилдан эътиборан янгича форматда ўтказилмоқда.

Спортнинг 12 тури бўйича ўтказилиб келинадиган ушбу мусоқанинг финал босқичига 23 январь куни Навоий шаҳрида старт берилди.

Дастлаб 23-26 январь кунлари Навоий вилоятида шахмат ва шашка мусобақалари ўтказилган бўлса, кечадан Сирдарё вилояти Гулистон шаҳрида жойлашган “Алпомиш” спорт мажмуасида бадминтон бахсларига старт берилди.

Мусобақаларда Қорақолпоғистон республикаси Тошкент шаҳри ва вилоятлардан ташриф буюрган жами 112 нафар спортчи-талабалар ғолиблик учун беллашишмоқда. Бадминтон мусобақаси ўғил ва қиз болалар ўртасида яккалик, жуфтлик ва микс йўналишлари бўйича ўтказилмоқда. Мазкур мусобақа 30 январь кунига қадар давом этади.