Наврўз куни туғилган ва илк WTA совринини Тошкентда қўлга киритган Каролина хоним! ФОТОМАҚОЛА

Каролина Плишкова - 1992 йилнинг 21 март куни Чехиянинг Лоуни шаҳрида дунёга келган. Плишкова тўрт ёшидан теннис билан шуғулланиб келади. Профессионал фаолиятини 2009 йилда бошлаган. 

Фаолияти давомида 16 та WТА турнирларининг яккалик баҳсларида чемпион бўлган. Жуфтлик баҳсларида эса 5 бор чемпионлик шохсупасига кўтарилган. Муваффақиятли иштироки эвазига 19 миллион 997 минг 689 АҚШ доллари ишлаб топган. 

"Катта Дубулға" мусобақалардаги энг яхши натижасига 2016 йилги US Openда эришган. Ўшанда у финалга қадар етиб борган ва Анжелик Керберга имкониятни бой бериб қўйганди. 

2017 йилнинг 14 августида WТА рейтингида биринчи ўринга кўтарилган ва олти ҳафта давомида етакчилик қилган. Ҳозирда чехиялик теннис маликаси WТА рейтингида учинчи ўринни эгаллаб турибди.

Эътиборга молик жиҳати шундаки, чехиялик теннисчи илк WTA совринини Тошкентда қўлга киритди. Плишкова 2016 йилги "Tashkent Open" турнирида бош мукофот соҳибасига айланганди. У бир соату 46 дақиқа давом этган финал учрашувида япониялик Нао Хибинони 6:3, 2:6, 6:3 ҳисобида мағлуб этган эди. 

Теннисчи бўш вақтларида балиқ овини, кино кўришни, китоб ўқишни ва мусиқа эшитишни яхши кўради. 

Шунингдек, Каролинанинг эгизак синглиси ҳам бор. У ҳам профессионал теннисчи. Кристина Плишкова ҳозирда WТА рейтингида 92-ўринда бормоқда.

Қўшалоқ байрам муборак, Каролина хоним!