27 сен 10:49
Янгиликлар
Бокс/ММА
Нейт Диаз Хамзатнинг ўрта вазнга ўтишига муносабат билдирди
Америкалик жангчи Нейт Диаз швециялик Хамзат Чимаев фаолиятини ўрта вазн тоифасида давом эттиришга қарор қилгани ҳақидаги хабарга изоҳ берди.
"Мен сенинг ярим ўрта вазндаги юришингни тўхтатдим. Аҳмоқ!", - деб ёзади Диаз ижтимоий тармоқда.
Эслатиб ўтамиз, UFC 279 турнирида Чимаев Нейт Диаз билан жанг қилиши керак эди. Аммо, Хамзат керагидан ортиқ вазн қайд этгани учун жанг бекор қилинганди. Натижада Нейт Диаз Тони Фергюсонга қарши октагонга кўтарилган ва бўғиш усули эвазига ғалаба қозонганди. Бу Нейт Диазнинг UFCʼдаги сўнгги жанги бўлиб қолди.
Чимаев эса Кевин Холланд билан тўқнаш келди ва биринчи раунддаёқ рақибини мағлубиятга учратди. Бу Чимаев учун ММАʼдаги 12-ғалабаси бўлди.
Ҳавола :
Манба : fighttime
Фикрлар