09 дек 20:00
Янгиликлар
Теннис
Нигина Абдураимова Дубай турнири финал остонасида тўхтатилди
БААнинг Дубай шаҳрида шаҳрида теннис бўйича W100 тоифасига кирувчи турнир давом этмоқда.
Мукофот жамғармаси 100 000 АҚШ долларини ташкил этувчи ушбу турнирда ҳамюртимиз Нигина Абдураимова ҳам муваффақиятли одимлаётган эди. Ҳозиргина мамлакатимизнинг биринчи ракеткаси иштирокидаги ярим финал учрашуви якунига етди.
Нигина финал чиптаси учун россиялик Анастасия Тихоновага қарши кортга чиқди. Бир соату 32 дақиқа давом этган баҳсда дунёнинг 216-ракеткаси бўлиб турган Настя Тихонова 6/0, 6/4 ҳисобларида зафар қучиб, мусобақанинг финалига йўл олди.
Таққослаш учун, Абдураимова WTA рейтингида 245-ўринни банд этган. Бу теннисчиларнинг ўзаро ўтказган тўртинчи баҳси эди. Барча учрашувларда тажрибали Тихонованинг қўли баланд келган.
Ҳавола :
Манба : olamsport.com
Фикрлар