08 дек 12:29
Янгиликлар

Теннис

Нигина Абдураимова Таиланддаги турнирда чемпион бўлди

Таиланднинг Нонтабури шаҳрида теннис бўйича аёллар ўртасида мукофот жамғармаси 15 000 АҚШ долларини ташкил этувчи турнир ниҳоясига етди.

Қувонарлиси, ўзбекистонлик Нигина Абдураимова мусобақа финалигача етиб келди. У ҳал қилувчи баҳсда Хитой Тайпейи вакиласи Пеи Чи Лига қарши кортга чиқди. 2 соат 21 дақиқа давом этган ўйинда Нигина рақибасини 6:1, 1:6, 6:3 ҳисобида мағлубиятга учратди ва турнир чемпионига айланди.