28 июл 13:09
Янгиликлар

Бокс/ММА

Ниҳоят! Гига Чикадзе қарийб икки йиллик танаффусдан сўнг октагонга қайтмоқда!

26 август куни UFC Сингапурда ўзининг навбатдаги турнирини ўтказади.

Мусобақанинг марказий жанги америкалик Макс Холлоуэй (24-7) ҳамда Кореялик Зомби (17-7) ўртасида кечиши ҳақида хабар берган эдик.

Турнир доирасида ўтказиладиган яна бир жанг маълум бўлди. Унга кўра, грузиялик Гига Чикадзе (14-3) асосий кард доирасида америкалик Алекс Касэресга (21-13) қарши октагонга кўтарилади.

Чикадзе сўнгги жангини ўтган йилнинг январь ойида Келвин Каттарга қарши ўтказиб, мағлуб бўлган эди. Касэрес эса охирги жангини июнь ойида Даниэль Пинедага қарши ўтказиб, ғалаба қозонган эди.