17 сен 11:56
Янгиликлар
Бокс/ММА
Ниҳоят! Тайсон Фьюри Жошуага шартнома жўнатди
Машҳур промоутер Фрэнк Уоррен супероғир вазнда WBC чемпиони Тайсон Фьюри Энтони Жошуага қарши жанг шартномасини имзолаганини маълум қилди.
Уорреннинг сўзларига кўра, энди Жошуа шартнома имзолаши керак.
"Шартномалар Энтони Жошуанинг жамоасига юборилди. Уларни жума куни эрталаб олишлари керак эди. Энди биз Британия боксидаги энг йирик тўқнашувдан бирини ўтказишимиз учун Энтони жамоаси ҳужжатни кўриб чиқиб, имзолашини кутишимиз қолди, холос", — деди Уоррен.
Уоррен жангни ташкил этишда ҳеч қандай муаммо бўлмаслиги кераклигини қўшимча қилди.
"Кейинги қадам рақиб жамоасига шартномалар жўнатиш эди ва биз буни уддаладик. Ҳеч қандай муаммо бўлмаслигига аминман. Биз ҳаммамиз бу жанг бўлишини истаймиз", - деди Уоррен.
Тайсон Фьюри ва Энтони Жошуа ўртасидаги жанг 3 декабрь куни бўлиб ўтиши кутилмоқда.
Ҳавола :
Манба : isport
Фикрлар