25 мар 15:39
Янгиликлар

Теннис

Ник Киргиос рақибига тўртта гейм берди

Дунёнинг 33-ракеткаси Ник Киргиос АҚШнинг Майами шаҳрида ўтказилаётган турнирнинг тўртинчи босқичига чиқди.

Австралиялик теннисчи "Мастерс" сериясига кирувчи ушбу турнирнинг учинчи даврасида сербиялик Душан Лайовичдан устун келди. Учрашув 57 дақиқа давом этган ва унда Ник рейтингнинг 44-поғонасидан жой олган Душанни 6/3, 6/1 ҳисобида мағлуб этди.

Энди 23 ёшли Киргиос Miami Open турнирининг нимчорак финал баҳсида хорватиялик Борна Чоричга қарши кортга чиқади.