05 авг 09:11
Янгиликлар

Теннис

Ник Киргиос Вашингтонда тенгсиз бўлди

Бир ҳафта давомида АҚШнинг Вашингтон шаҳрида ўтказилган нуфузли ATP турнири якунланди.

Мусобақанинг ҳал қилувчи финал учрашувида бироз кутилмаган натижа қайд этилди. Дунёнинг 10-ракеткаси бўлиб турган Даниил Медведев рейтингнинг 52-поғонасидан жой олган австралиялик Ник Киргиосга ютқазиб қўйди.

Россиялик ракетка устаси 1 соату 34 дақиқа давом этган баҳс якунида рақибига тайбрекларда 6/7(6), 6/7(4) ҳисобида имкониятни бой берди. Citi Open турниридаги чемпионлик Киргиосга 500 рейтинг очкоси ҳамда 365 390 доллар мукофот пулини келтирди.