24 июл 08:27
Янгиликлар

Велоспорт

Никита Цветков Италиядаги халқаро турнирда икки марта шоҳсупадан ўрин олди

Италияда ўтаётган велотрек бўйича “Gran Premi Internazionali di Fiorenzuola” халқаро мусобақасидан хушхабар.

Ўзбекистон миллий терма жамоаси ҳамда BARDIANI-CSF 7SABER клуби аъзоси Никита Цветков омниум дастурида бронза медални қўлга киритди. Биласиз, велоспортнинг трек йўналишида олимпия ўйинлари дастурига киритилган омниум – энг мураккаб ва чидамлилик талаб этадиган пойга ҳисобланади. Кўпкураш дастурида Никита умумий ҳисобда 114 очко жамғариб учинчи ўринни эгаллади.

Бу ҳали ҳаммаси эмас. U23 ёш тоифасида ўтган очко йиғиш дастурида ҳам Никита Цветков делегациямиз ҳисобига яна бир медални қўшиб қўйди. 75 айланадан иборат 45 км масофадаги беллашувда ҳамюртимиз 50 очко жамғариб, бронза медали билан тақдирланди.