Никита Рафаловичнинг натижаси ўзбек таэквондоси учун тарихий бўлди, у бугун Ўзбекистонга қайтиб келади

Унда ўзбекистонлик таэквондочи Никита Рафалович бронза медалини қўлга киритди. Бронза медали учун баҳсда ҳамюртимиз мисрлик Сеиф Иссага қарши даянга чиқди. 3 раунддан сўнг ҳисоб 5:5 эди. Ғолибни аниқлаш учун қўшимча тўртинчи раунд ўтказилди. Унда дастлабки очкони қўлга киритган Никита "Moscow Grand-Prix Final" мусобақасида бронза медалини қўлга киритди. Таъкидлаш лозимки, бунга қадар ўзбекистонлик таэквондочи ушбу мусобақада медалга эга чиқмаган эди. 

Ушбу муваффақият Рафаловични Токио Олимпиадаси лицензияси сари янада яқинлаштирганини алоҳида эътироф этиш лозим!

Бугун Якуний Гран-Прида иштирок этган таэквондочиларимиз Никита Рафалович ва Нигора Турсунқулова Москва-Тошкент йўналишида HY604 рейси билан юртимизга қайтишади. Делегация жойлашган самолёт соат 17:05да Тошкент халқаро аэропортига келиб қўнади. Таэквондочиларимизни кутиб олиш учун барча мухлислар ва ОАВ ходимларини таклиф қиламиз.