Новак Жокович Shanghai Masters 1/2 финалида

Дунёнинг тўртинчи ракеткаси Новак Жокович 1/4 финалда иродали ғалабага эришди. Сербиялик теннис юлдузи ATP рейтингида 65-поғонада бораётган чехиялик Якуб Меньшикни 6/7(4), 6/1, 6/4 ҳисобларида мағлубиятга учратди. 

Бу теннисчиларнинг ўзаро ўтказган илк учрашуви бўлди. Икки соату 21 дақиқа давом этган баҳсда Жокович 7, Меньшик 17 та эйс зарбани амалга оширган. Брейклар бўйича устунлик Новак томонида бўлди - 4 га 1. Жокович фаолиятида 78-маротаба "Мастерс" турнирлари 1/2 финалига чиқди.