Новак Жокович йил якунидаги энг асосий икки мақсадини айтди

"Мавсум якунига қадар етакчи сифатида қолишим учун менга яна бир ғалаба керак деб ўйлайман. Дэвис Кубогини ҳисобга олмаса, бу менинг асосий мақсадимга айланади. Ҳозирча 3 кун давомида ракеткаларни унутаман ва дам олиб, тикланаман, оиламга вақт ажратаман. Кейин Туринга бораман, бу ердаги ҳар бир учрашув мен учун катта турнирларнинг финали каби.

Ҳар бир баҳс жуда муҳим, чунки унда керакли очколар ўйналади. Бу ерга яхши ҳиссиётлар ва ишонч захираси билан бораман. "Уимблдон" финалидан кейин ҳали мағлуб бўлганим йўқ ва мавсумни юқори нотада якунлашга умид қиляпман. Асосий мақсадим - йилни биринчи рақамли сифатида якунлаш ва Дэвис Кубогини ютиш", - деди Жокович.