"NUR-HAS KARATE" маркази тарбияланувчилари Тараздан медаллар шодаси билан қайтишди

Ўз тарихида бешинчи бор ташкил этилган Тараз шаҳри Очиқ чемпионатида "NUR-HAS KARATE" маркази тарбияланувчилари юртимиз спорт шарафини ҳимоя қилишди. Мусобақада 20 та жамоадан 300 нафардан зиёд каратэчилар медаллар учун баҳс олиб боришди. 

5 th International Open Taraz Championship якунларига кўра, Муҳаммад Али Назаров (13-14 ёш, -50 кг) олтин ва кумуш, Умаржон Умиджонов (8-9 ёш, -30 кг) ва Жаҳонгир Нозимхонов (10-11 ёш, -40 кг) бронза медалини қўлга киритди. 

Тантанали тақдирлаш маросимидан сўнг халқаро турнир ташкилотчилари "NUR-HAS KARATE" маркази жамоасига мукофот тариқаси 50 000 тенге топширишди. Аммо Мутал Назаров бу пулларни сув тошқинидан азият чекаётган қардош қозоғистонликларга тақдим этди. 

Маълумот учун, 27-28 апрель кунлари қадим ва ҳамиша навқирон Самарқанд шаҳрида шинкиокушинкай каратэ (фуллконтакт каратэ) бўйича бешинчи халқаро Амир Темур Кубоги бўлиб ўтади. Унда ўнга яқин давлатдан спортчиларнинг иштирок этиши кутилмоқда.