"NUR-HAS" шинкиокушинкай каратэчилари Қозоғистондаги халқаро турнирда муваффақиятли иштирок этишди

Жамбил вилояти ташкил этилганига 85 йил тўлиши муносабати билан ўтказилган мусобақада мезбонлардан ташқари Ўзбекистон ва Қирғиз Республикасидан келган 200 нафардан зиёд иштрокчи медаллар учун баҳс олиб борди. 

Ушбу халқаро турнирда Мутал Назаров бошчилигидаги "NURHAS" шинкиокушинкай каратэ маркази тарбияланувчилари ҳам муваффақиятли тарзда қатнашиб, юртимизга медаллар билан қайтишди. Жумладан, Мирзоҳид Холбоев (-30 кг) 11 ёшлилар, Саидазиз Асқаров (-35 кг) 12 ёшлилар ўртасида олтин медални қўлга киритди. 

Ўн уч ёшлилар гуруҳида курашган Озодбек Абдураупов (+45 кг) кумуш медалга эга чиқди. Муҳаммадали Назаров (+45 кг) эса 13 ёшлилар ўртасида бронза медалига сазовор бўлди. Мутал Назаров халқаро турнирнинг энг яхши ҳаками деб топилди.

Бахтияр Багисбаев, мусобақа ташкилотчиси