"NUR-HAS" йигитлари жаҳон чемпионатида шоҳсупага кўтарилишди + ФОТО

Ушбу нуфузли мусобақада Голландия, Германия, Испания, Греция, Хорватия, Чехия, Черногория, Словакия, Венгрия, Қозоғистон каби давлатлардан келган яккакураш усталари қаторида юртимиз шарафини "NUR-HAS" каратэ маркази тарбияланувчилари Мутал Назаров ва Эралиполвон Бобоназаровлар ҳимоя қилишди.  

Кумитэ мусобақасининг 40 ёшдан ошган фахрийлар баҳсида Мутал Назаров бронза медалини қўлга киритди. Унинг ўзи ката баҳсларида ҳам бронза медалига сазовор бўлди. Эралиполвон Бобоназаров мутлақ вазн тоифасида кумуш медални қўлга киритди. 

Ката баҳсларида Ўзбекистон терма жамоаси умумжамоа ҳисобида учинчи ўринни эгаллади. Мезбонлар биринчи, Руминия терма жамоаси иккинчи ўринни банд этди. Кумитэ мусобақасида Қозоғистон биринчи, Венгрия иккинчи, Ўзбекистон терма жамоаси учинчи ўриндан жой олди.