Нурмагомедов Двалишвилига лақабини ўзгартиришни таклиф қилди

"Ўйлайманки, бу ҳеч қачон тугамайди. Бу ҳеч қачон ўлмайди ва биз ҳеч қачон дўст бўлмаймиз. У кўп гапиради, ақлдан озган ишларни қилади. Ҳатто ҳозир ҳам у менинг менежерим Ризван ҳақида гапириб, уни илон ёки бошқа нарсалар билан атамоқда. Ризван менга ҳеч қачон ҳеч нарса демайди. Ижтимоий тармоқларимдан мендан бошқа ҳеч ким фойдаланмайди. У бошқа йигитларни, шунчаки у билан гаплашгани борган дўстларимни бу ишга аралаштирмоқчи бўлди.

Ҳеч ким уни ушлаб тургани йўқ, ҳеч ким унга теккани йўқ. Ҳаммаси видеода бор. Нега ёлғон гапиряпсан? Агар эркак киши билан муаммоинг бўлса, сенга камера ҳам, ижтимоий тармоқлар ҳам, бошқа ҳеч ким ҳам керак эмас. Агар мен унга ҳурматсизлик қилган бўлсам, олдимга кел. Нега йиғлаяпсан? Нега мен уни ҳақорат қилганимни айтяпсан? Муаммоинг бўлса — олдимга кел, ҳаммасини юзимга айт", — деди Умар.

"Энди сенга "Machine" ("Машина") лақаби керак эмас, уни "Ҳурматсизлик"ка ўзгартир, Мераб. Ҳеч қандай "Machine" бўлмайди. Чунки у доим шу нарса учун нолийди", — дея Нурмагомедовнинг сўзларини келтиради MMA Fighting портали.