16 янв 16:28
Янгиликлар

Бокс/ММА

Нурмагомедов Россия MMAси тарихидаги Топ-5 жангчиларни айтди

Енгил вазн тоифасида PFL чемпиони, мағлубият нималигини билмай келаётган россиялик Усман Нурмагомедов YouTube’даги Home of Fight каналига интервью берди.

Усман интервью давомида Россия ММАси тарихидаги энг яхши беш нафар жангчи ҳақидаги саволга ҳам жавоб қайтарди. Нурмагомедов ўз рўйхатини қуйидаги кетма-кетликда жойлаштирди - Хабиб Нурмагомедов, Ислам Махачев, Фёдор Емельяненко, Умар Нурмагомедов, Пётр Ян. Умар Александр Шаблийни ҳам эслатиб ўтиш жоизлигини қўшимча қилди.

Маълумот учун, Усман Нурмагомедов айни пайтда 27 ёшда. Россиялик профессионал сифатидаги дебютини 2017 йилда ўтказган. У аралаш яккакурашларда ҳозиргача 20 та жанг ўтказиб, барчасида ғалаба қозонган. Унинг иштирокидаги яна бир жанг ўтказилмаган деб топилганди.