Нурмагомедов Шаблийга қарши жангига Хабиб ва Ислам билан тайёргарлик кўрмоқда + ФОТО

Усман Нурмагомедов - Александр Шаблий жанги 7 сентябрь куни АҚШнинг Сан-Диего шаҳрида бўлиб ўтади. Усманга Bellator турнирининг марказий жангига тайёргарлик кўришида Хабиб Нурмагомедов ва Ислам Махачевлар ёрдам беришяпти. Аслида Шаблий - Нурмагомедов жанги 17 май куни Париж шаҳрида ўтказилиши керак эди. Аммо Усманнинг жароҳат олиши натижасида жанг кечроқ муддатга кўчирилганди. 

Усман Нурмагомедов сўнгги жангини Bellator 300 турнирида америкалик Брент Примусга қарши ўтказиб, рақибини мағлуб этганди. Лекин россияликнинг допинг-таҳлили ижобий натижа бергани боис, жанг ўтказилмаган дея топилганди. Шаблий эса охирги жангини Bellator 301 турнири доирасида Патрик Фрейрага қарши ўтказиб, очколар ҳисобига кўра ғалаба қозонган ва чемпионлик камари учун расмий даъвогарга айланганди.